នាថ្ងៃទី២២ ខែកុម្ភៈ ឆ្នាំ២០២៣ មជ្ឈមណ្ឌលភាសា អេ អាយ អាយ សាខាសៀមរាប បានរៀបចំវគ្គសិក្ខាសាលាមួយស្តីពីសុវត្ថិភាពចំណីអាហារដោយសហការជាមួយមជ្ឈមណ្ឌលសុខភាពសិស្ស។ លោកវេជ្ជបណ្ឌិត និន សុខរង្សី ដែលជាអ្នកធ្វើបទបង្ហាញ បានមានប្រសាសន៍ទៅកាន់សិស្សានុសិស្សកម្រិត Kid Starter ដល់ Kid 04 អំពីសារៈសំខាន់នៃការបរិភោគចំណីអាហារដែលមានសុខភាពល្អ ការទទួលទានទឹក ការលាងសម្អាតដៃរបស់ពួកគេ និងការជៀសវាងបរិភោភចំណីអាហារណាដែលប៉ះពាល់ដល់សុខភាព។ វាគឺជាឱកាសដ៏សំខាន់មួយក្នុងការផ្តល់ពត៌មានដែលពាក់ព័ន្ធទៅដល់សិស្សានុសិស្សតូចៗរបស់យើង។

វគ្គបណ្តុះបណ្តាលស្តីពីការសង្គ្រោះបឋមត្រូវបានរៀបចំឡើងសម្រាប់លោកគ្រូ-អ្នកគ្រូ និងបុគ្គលិករគ្រប់ផ្នែកទាំងអស់ នៃមជ្ឈមណ្ឌលភាសា អេ អាយ អាយ សាខាសៀមរាបដើម្បីបង្កើនចំណេះដឹងរបស់ពួកគេអំពីការសង្គ្រោះបឋម។ វគ្គបណ្តុះបណ្តាលនេះរួមមាន ពត៌មានជាមូលដ្ឋានអំពីថាតើនរណាអាចជួយសង្គ្រោះបឋមបាន អ្វីទៅជានិតិវិធីនៃការសង្គ្រោះជាមូលដ្ឋាន របៀបនៃការស្វែងរកការសង្គ្រោះបន្ទាន់នៅក្នុងកន្លែងធ្វើការ និងមានជាច្រើនទៀត។ វាពិតជាមានសារៈសំខាន់សម្រាប់អ្នករាល់គ្នាដែលធ្វើការនៅក្នុងការិយាល័យដែលទទួលបានវគ្គបណ្តុះបណ្តាលនេះពីព្រោះឧប្បតិ្តហេតុកើតឡើងគ្រប់ទីកន្លែង និងគ្រប់ពេលវេលា។  

មជ្ឈមណ្ឌលភាសា អេ អាយ អាយ សាខាសៀមរាប បានប្រារព្ធខួបគម្រប់ ១៨ឆ្នាំ របស់ក្រុមហ៊ុន ម៉េងលី ជេ. គួច អេឌ្យូខេសិន និងមជ្ឈមណ្ឌលភាសា អេ អាយ អាយ នាថ្ងៃទី២០ ខែមករា ឆ្នាំ២០២៣ ដោយមានការចូលរួមពីលោកគ្រូអ្នកគ្រូ សិស្សានុសិស្ស និងបុគ្គលិកគ្រប់ផ្នែកទាំងអស់។ ក្នុងអំឡុងពេលប្រារព្ធពិធីនេះ មានសកម្មភាពកំសាន្តជាច្រើនដូចជាការររាំកំសាន្ត ការលេងល្បែងកំសាន្ត ការចាប់រង្វាន់ ក៏ដូចជាការញុំាអារងារជួបជុំក្រុមការងារដើម្បីជាការអបអរសារទរផងដែរ។  

សូមស្វាគមន៍មកកាន់ការតម្រង់ទិសសិស្សថ្មីរបស់មជ្ឈមណ្ឌលភាសា អេ អាយ អាយ សាខាសៀមរាប នាថ្ងៃទី០៥ ខែមករា ឆ្នាំ២០២៣! ក្នុងអំឡុងពេលនៃការតម្រង់ទិសសិស្សថ្មីនេះ សិស្សានុសិស្សនឹងរៀនអំពីចក្ខុវិស័យ គោលនយោបាយ ច្បាប់ និងបទប្បញ្ញត្តិរបស់ មជ្ឈមណ្ឌលភាសា អេ អាយ អាយ ដែលនឹងជួយរៀបចំបទពិសោធន៍របស់ពួគគេ។ វប្បធម៌ថ្មីរបស់យើងនឹងកាន់តែស៊ាំនឹងពួគគេនៅពេលយើង ណែនាំពួគគេអំពីគោលការណ៍ណែនាំ និងការរំពឹងទុកជាច្រើនរបស់យើង។ សិស្សថ្មីត្រូវបានស្វាគមន៍ក្នុងការចូលរួមក្នុងវគ្គនេះ ដើម្បីស្វែងយល់អំពីបេសកកម្ម និងចក្ខុវិស័យរបស់មជ្ឈមណ្ឌលភាសា អេ អាយ អាយ ក៏ដូចជាជួបជាមួយបុគ្គលិកសិក្សា និងបុគ្គលិកដែលនឹងជួយអ្នកឱ្យទទួលបានជោគជ័យ។

សូមស្វាគមន៍សិស្សានុសិស្សជាទីរាប់អាន! វគ្គសិក្សាថ្មីមួយទៀតបានចាប់ផ្ដើមហើយនាថ្ងៃទី0២ ខែមករា ឆ្នាំ២០២២ នៅមជ្ឈមណ្ឌលភាសា អេ អាយ អាយ សាខាសៀមរាប ហើយយើងរីករាយដែលបានជួប ប្អូនៗ! ក្នុងប៉ុន្មានសប្តាហ៍ និងខែខាងមុខនេះ សាលារបស់យើងមានគម្រោងជាច្រើន។ យើងសង្ឃឹមថា ប្អូនៗនឹងរីករាយក្នុងការបង្កើតមិត្តថ្មី និងចូលរួមក្នុងសកម្មភាពថ្មីៗ និងគួរឱ្យរំភើបស្របពេលដែលអ្នកអភិវឌ្ឍនូវបទពិសោធន៍សិក្សារបស់អ្នក។ សូមអរគុណដល់មាតាបិតារបស់យើង ដែលបានជឿទុកចិត្តលើយើង ហើយបន្តសហការជាមួយយើង ដើម្បីជួយកូនៗរបស់ពួកគាត់សម្រេចបាននូវសក្តានុពលពេញលេញរបស់ពួកគេ។      

មជ្ឈមណ្ឌលភាសា អេ អាយ អាយ សាខាសៀមរាប បានរៀបចំកម្មវិធីបោះជំរំសិស្សលើកទី១ ដែលជាផ្នែកនៃសកម្មភាពក្រៅកម្មវិធីសិក្សារបស់យើង។ ការបោះជំរំនេះគឺវិធីមួយនៃការលុបបំបាត់ឧបសគ្គ ការភ្ជាប់ជាមួយធម្មជាតិ និងភាពរីករាយដែលសិស្សានុសិស្សទទួលបានពីបទពិសោធន៍ជាក់ស្តែងក្នុងការធ្វើការងារជាក្រុម ការទំនាក់ទំនង និងការរស់រានមានជីវិត។ ពួកគេក៏បានអភិវឌ្ឍជំនាញភាពជាអ្នកដឹកនាំ និងទំនាក់ទំនងរបស់ពួកគេតាមរយៈសកម្មភាសហការជាក្រុមផងដែរ។

ដំណើរទស្សនៈកិច្ចលើកទី ១ របស់មជ្ឈមណ្ឌល់ភាសា អេ អាយ អាយ សាខាសៀមរាប ទៅកាន់ អង្គរ វ៉ាយដ៏ឡាយហ្វ៍ និង អឹឃ្វារៀម គឺជាបទពិសោធន៍ដ៏ល្អសម្រាប់សិស្សានុសិស្សគ្រប់រូប។ កម្មវិធីនេះផ្តល់ឱ្យសិស្សានុសិស្សគ្រប់រូបនូវបទពិសោធន៍ក្នុងពិភពពិតនៅនឹងកន្លែង ជាមួយនឹងភាពរំភើប និងភាពសប្បាយរីករាយដែលពួកគេទទួលបានពីការស្វែងយល់ និងសកម្មភាពលេងល្បែងកំសាន្តជាក្រុមផ្សេងៗ។

ស្នាមញញឹមពោលពេញដោយក្តីសង្ឃឹមពីកុមារទាំងអស់ដែលកំពុងត្រូវការជំនួយពិតជាស្រស់ស្អាត និងពោរពេញដោយសុភមង្គល។ ពួកគេញញឹមព្រោះពួកគេបានជួបបងប្អូនប្រុសស្រីដែលមានចិត្តសប្បុរសដែលផ្តល់ និងបរិច្ចាគសម្ភារៈសិក្សាដល់ពួកគេ។ រួមគ្នាដើម្បីសប្បុរសធម៌នឹងនាំមកនូវអនាគតល្អសម្រាប់យុវជនជំនាន់ក្រោយ។  

កម្មវិធីជំនួបអ្នកអាណាព្យាបាលជាមួយគ្រូបង្រៀននេះបង្ហាញពីសារៈសំខាន់របស់អ្នកអាណាព្យាបាល និងគ្រូបង្រៀនក្នុងវិស័យអប់រំ ហើយយើងសង្ឃឹមថានឹងធ្វើការពង្រឹងទំនាក់ទំនងរវាងការសិក្សានៅផ្ទះ និងសាលារៀន ដើម្បីជាប្រយោជន៍ដល់កុមារ។ គោលដៅចម្បងនៃកម្មវិធីជំនួបអ្នកអាណាព្យាបាលជាមួយគ្រូបង្រៀន គឺធ្វើឱ្យប្រសើរឡើងនូវសុខុមាលភាព និងសុភមង្គលរបស់កុមារ ដោយផ្តល់ការគាំទ្រចាំបាច់ដើម្បីឱ្យពួកគេអាចធំធាត់មានសុខភាពល្អ និងក្លាយជាពលរដ្ឋល្អជាមួយនឹងអាកប្បកិរិយាវិជ្ជមានចំពោះជីវិត។

ការចាប់ផ្តើមវគ្គសិក្សាថ្មីនៃមជ្ឈមណ្ឌលភាសា អេ អាយ អាយ សាខាសៀមរាប សូមស្វាគមន៍យ៉ាងកក់ក្តៅពីមជ្ឈមណ្ឌលភាសា អេ អាយ អាយ សាខាសៀមរាប ជូនចំពោះលោកគ្រូ អ្នកគ្រូ មាតាបិតា អាណាព្យាបាល និងសិស្សានុសិស្សជាទីគោរពរាប់អានទាំងអស់ដែលបានចូលរៀនវគ្គទី ៧៦នេះ។ យើងខ្ញុំសូមជូនពរលោកអ្នកឱ្យជួបតែសំណាងល្អក្នុងវគ្គថ្មីនេះ ជាមួយនឹងមេរៀន និងសកម្មភាពគួរឱ្យចាប់អារម្មណ៍ជាច្រើនដែលកំពុងរង់ចាំលោកអ្នកចូលរួម។