ដំណើរទស្សនៈសិក្សាទៅកាន់ ឡូរី ជើងភ្នំបាណន់

មជ្ឈមណ្ឌលភាសា អេ អាយ អាយ សាខាសៀមរាប បានធ្វើទស្សនកិច្ចសិក្សាទៅកាន់ ឡូរី ជើងភ្នំបាណន់ នាថ្ងៃទី២៧ ខែឧសភា ឆ្នាំ២០២៣។ សិស្សានុសិស្សរបស់យើងអាចជិះ ឡូរី ដែលជារថភ្លើងឬស្សី ក្នុងការដឹកពួកគេតាមផ្លូវដែកនៅតាមជើងភ្នំ។ សិស្សានុសិស្សរបស់យើងបានឃើញទេសភាពជនបទដ៏ស្រស់បំព្រង និងសម្រស់នៃធម្មជាតិ។ នៅលើកំពូលភ្នំមានប្រាសាទបុរាណមួយមានអាយុកាលតាំងពីសតវត្សទី១១។ ការសិក្សានៅខាងក្រៅថ្នាក់រៀនគឺជាបទពិសោធន៍ដ៏អស្ចារ្យមួយ។ តាមរយៈការចូលរួមការធ្វើដំណើរទស្សនៈកិច្ចសិក្សា សិស្សអាចស្វែងយល់ពីអ្វីដែលថ្មី ទស្សនាកន្លែងផ្សេងៗ និងប្រាស្រ័យទាក់ទងជាមួយមនុស្សក្នុងសង្គម។ ពួកគេក៏អាចទទួលបានចំណេះដឹង និងការយល់ដឹងអំពីប្រធានបទផ្សេងៗដូចជាប្រវត្តិសាស្ត្រ វប្បធម៌ វិទ្យាសាស្ត្រ សិល្បៈ និងធម្មជាតិ។ យើងចង់ជួយជំរុញការចង់ដឹងចង់ឃើញ ភាពច្នៃប្រឌិត និងជំនាញនៃការត្រិះរិះពិចារណារបស់សិស្សានុសិស្ស។ យើងចង់លើកកម្ពស់ជំនាញសង្គម និងអារម្មណ៍របស់សិស្ស ដូចជាការទំនាក់ទំនង កិច្ចសហប្រតិបត្តិការ និងការយកចិត្តទុកដាក់រវាងគ្នានឹងគ្នា។ ដំណើរទស្សនៈសិក្សាមិនត្រឹមតែសម្រាប់ភាពសប្បាយរីករាយប៉ុណ្ណោះទេ ប៉ុន្តែក៏ជាឱកាសសិក្សាដែលសិស្សានុសិស្សគួរចូលរួមផងដែរ។